За да се ублажат рестриктивните мерки, треба да стигнеме на ниво да можеме да живееме со вирусот, без голем притисок врз здравствениот систем, односно на нивото на септември кога имавме 200,300,400 дневни случаи, објасни портпаролот на грчката Влада Стелиос Пецас во интервјуто за телевизијата „Антена“ во однос на тоа дали карантинот во Грција ќе заврши на крајот на ноември или ќе се продолжи, јави дописничката на МИА од Атина.

Во однос на одлуката за воведување целосен карантин, портпаролот на грчката Влада, објасни дека новите случаи од „едно мало разбранување се претворија во бран, а овој бран стана цунами за да го поплави националниот здравствен систем“.